王君馨嚇窒未婚夫收禁令

藝人王君馨、敖嘉年、胡諾言、黃嘉樂、湯洛雯及裕美等主演的無綫劇集《心理追兇MIND HUNTER》前晚大結局，眾人齊齊出席劇集結局晚宴。Grace在劇中因患有反社會人格障礙而經常害人，問出街可有觀眾向她掟番茄？她指角色竟然深受觀眾喜愛，更爭相邀她合照：「我問佢哋想同王君馨定汪海澄合照，個個都話汪海澄！」

示範完「汪海澄」詭異眼神後，Grace又指為劇集口碑好而興奮，希望藉此呼籲觀眾正視相關病患。她笑指不敢讓未婚夫欣賞《心》劇：「但最後忍唔住畀咗我喺更衣室殺人嗰場佢睇，佢睇完叫我結婚之後唔好再做呢啲角色。（幾時出發結婚？）等下個月啲嘢確實晒，再同大家分享好消息！」

黃嘉樂呻溝女難

飾演Grace老公的黃嘉樂，雖然同樣演反派，但對着Grace都嗌怕怕：「戲外都成日用想犯罪嘅眼神望住我，我同佢講你唔好搞我！」他在劇中被Grace利用殺人，最後更傷心到自殺，問現實有否受過情傷？他指2004年時為追女仔曾隻身飛到英國：「但佢話冇Feel，我聽完之後喺希斯路機場喊足12個鐘！」更笑指之後不敢再追女仔：「溝親都衰！啱嗰啲全部都名花有主！（依家冇拍拖？）冇，堅冇。」更即場叫裕美為他介紹對象，裕美指手上大把「筍盤」，嘉樂聞言即問她們是否都信基督教，聽到對方答「係」時，他無奈地說：「咁唔啱喇，我信佛。」

眾藝人齊齊出席劇集結局晚宴。	王君馨完美示範眼神都交足戲。	黃嘉樂因為信仰關係，無奈拒絕裕美做紅娘。

裕美被「姦」喪喊

裕美在大結局中被飾演其父的陳狄克強姦，她指事先都度好晒位，加上對方是前輩級演員，相對安心：「但都喊得好勁，收工之後，導演留低等我換埋衫，問我係咪冇咩事，驚我心靈受創。」

文：影視組