陳嘉寶過戲癮狠心分手
剛宣布答應下嫁半億闊少初戀男友的藝人陳嘉寶，日前繼續為無綫新劇開工，拍攝向陸永提出分手戲份，笑指角色讓她一嘗現實生活中未曾發生過的事，感覺非常爽。身為準新娘的陳嘉寶坦言婚事籌備未有進展，有意待8月劇集煞科後才開始準備，自嘲感覺有點Hea，並呼籲大家祝她好運。
藝人陳嘉寶與陸永日前為無綫新劇《誇世代》拍攝一場分手戲，將於年底與初戀男友結婚的陳嘉寶，笑指現實生活中未嘗過主動提出分手，如今能透過角色狠狠地試一次，感覺又瀟灑又爽。作為準新娘的她卻表示尚未籌備婚禮：「8月先拍完劇，我以為三、四個月就搞得掂，但有朋友話要籌備成年，真心覺得自己Hea到有啲過分，姊妹團諗緊未定，大家祝我好運啦！」
陸永被撇：一日就復原
穿上滾軸溜冰鞋拍攝的陳嘉寶透露劇中是高手，事前亦有特別上堂學習，奈何手腳不協調，故還在努力中，她又自爆試過受傷：「有次拍完，工作人員話有車嚟緊要小心，自己緊張過頭仆親，搞到左邊盆骨腫咗！」
至於劇中被狠飛的陸永，現實中有一個美滿家庭，對於拍檔宣布結婚，他說：「佢宣布婚訊前一晚，我問過佢幾時結婚，以為佢係聽咗我意見先宣布添！唔係咩？我都有試過畀女仔飛，其實兩個人感情有問題先會分手，唔會太Hurt，一日就復原。」談到他於社交平台分享細女瞌眼瞓片段，引來網友勁畀like，他表示囡囡習慣食飯時間瞓覺，故不時叮囑她不可這樣，偷拍當日囡囡正與睡魔對抗，但最終戰敗收場，倒頭大睡。
文：影視組