呂慧儀畀仔霸住無暇造人
藝人呂慧儀昨日腳踏高跟鞋出席商場活動，高人一等的她笑言兩歲半兒子「蟹籽」平時不准她穿高跟鞋，又不准老公黃文迪與她傾偈：「佢成日霸住我，唔畀爸爸同我講嘢。（咁咪好難追弟弟及妹妹？）冇咩可能，機會都冇，老公想我生個女平衡番。」囝囝正上學前班，能用普通話講「媽咪我愛你」冧溶慧儀。
母親節將至，慧儀說：「上年由爸爸買花畀佢扮送畀我，希望佢今年識自己送花。今年唔知去邊慶祝，睇睇帶唔帶佢陪我開工。佢好黐身，係我影子，我去廁所都唔得閒，佢喺門口拍爆門咁滯！（咁佢返學有冇問題？）佢開頭喊咗幾個月，我幾驚佢有心理問題，老師話佢之後返學就冇事，做戲好叻。（畀佢入行？）睇通告，簡單都OK！我做佢經理人，最好請埋我做母子檔，爸爸做助手。」
