趙頌茹為女慳住買保險
藝人趙頌茹（Yu）年初在台灣遇上交通意外，令她想到假若不幸去世，兩個女兒由誰來照顧，回港後即買了人生第一份保險，她猶有餘悸地說：「我離開台北嗰日畀電單車撞，當時好驚行唔到，驚夜晚返唔到香港。」有途人問她是否需要送院，急於回港的她覺得只是皮外傷，於是拒絕：「坐飛機時先諗，如果我行出啲、撞得應啲，我就會死！」
專吼平價貨
阿Yu為了兩個寶貝女生活得更好，實行「慳得一蚊得一蚊」政策：「以前做女好幸福，想要乜有乜，做媽咪之後先發覺要為佢哋積穀防飢。例如知道舖頭做discount，一條紙巾十二包價錢超平，就一次過買好多，又會用時間換金錢，街市臨收工最平，通常收工六、七點就去買，可以慳幾蚊！」
充滿正能量的阿Yu，計劃推出自家品牌T-Shirt，想帶出個訊息：「主題係『同行者』，無論點樣，我都會同你行落去，仲特別誠邀寶貝細女做model仔，影佢張相印落件衫度。」
場地：Boom Art Gallery Bar
文：李惠儀
攝：吳文聰