「萬人迷」碧咸（David Beckham）出名愛享天倫樂，41歲的他更懶理「拳怕少壯」，與12歲細仔告斯（Cruz）同台較量！他近日於社交網上載與告斯玩Boxing的短片，兩父子戴拳套於擂台互揪，人仔細細的告斯相當雀躍，唔怕出手打老竇，更三番四次向老竇靚樣進擊，碧咸幾乎有兩、三次食中愛子的「兜拳窩面」。不過他不但未有發火，更不時冧笑，到告斯狠狠用右拳打中他時，隔住影片都聽到啪一聲，但碧咸仍然開着「慈父Mode」，更笑住追問：「影唔影到呀？」上載影片時再附加留言：「朝早同呢位小男孩打Boxing，成功出右拳打中我。」大晒溫馨一面，不少網民留言大讚碧咸係世上最好的老竇！