十優港姐麥明詩昨日在社交網自爆讀小六時，父母因2002年樓市低谷而成為負資產，所供物業蝕300萬，要展開慳到盡的日子。麥明詩昨日接受本報電話訪問時說：「嗰時主要係食茶餐廳，生日時先食pizza！校服同書都係用二手，彈性運用資源如盡量去圖書館睇書唔買。用二手物品唔會介意，仲賺埋上手寫低嘅筆記。」她笑言現時經濟未有反彈，更以捉襟見肘來形容：「我依家好多鞋都係二手或網上買。（儲首期買樓？）好困難，做藝人難做按揭、收入唔穩定。」