周柏豪自爆 求婚獲彩虹贈興

為紀念入行10周年，周柏豪一連三場紅館演唱會昨晚圓滿落幕。前晚他邀得許志安及鄭融做嘉賓，安仔現身與彈鋼琴的柏豪合唱《六天》，全場即時尖叫兼大合唱，柏豪憶起與安仔相識經過：「好多年前合作拍攝《廉政行動》，佢唱我首《六天》同我打招呼，真係受寵若驚，個畫面到今日依然歷歷在目。」之後柏豪問觀眾想聽咩歌，有人大叫合唱歌《一事無成》，他笑言可以一人分唱兩角，但當鄭融從升降台出場時，全場歡呼。柏豪前晚亦分享在日本富士山向太太求婚的故事：「求完返港途中，天空出現一道彩虹，我覺得係上天送畀我哋嘅禮物同祝福。」