周秀娜冇得抖連踩24粒鐘

藝人周秀娜（Chrissie）與鄭欣宜（Joyce）為主演新片《29+1》於銅鑼灣宣傳，並聯同導演彭秀慧及演員楊尚斌與現場觀眾大玩遊戲。見Chrissie一臉疲態，Joyce爆料指她已經連續24小時工作，Chrissie解釋剛為無綫新劇《宮心計2深宮計》開工，加上有其他工作在身，要拍廣告亦要宣傳電影，問到何時有得休息？她說：「一陣會抖吓，夜啲要繼續拍劇，我由尋日朝做嘢做到今朝！」問到拍劇是否很辛苦？她坦言最辛苦是每次要花三、四小時化妝、整頭及穿戲服，更笑說：「之前好啲，最近同30呢個字好有緣，因為開工開到30（指早上6時）係標準，大家都係咁o架啦！」