許廷鏗 掃千元零食慶生

歌手許廷鏗（Alfred）昨日與逾百歌迷舉行生日派對，前日29歲生日的他獲歌迷送上太空人生日卡及蛋糕等禮物，祝他可以坐火箭衝去紅館開騷！受訪時，他表示已連續兩晚與好友鄭欣宜慶祝生日，兩人更放縱地去便利店狂掃零食：「好彩店員好似唔太認得我哋，冇咁大殺傷力，因為我哋差唔多買咗4位數零食，都幾誇張，但冇食晒嘅。」問到今年榮升舅父的他，可會想快點成家立室生小孩？Alfred笑言暫時只對玩BB有興趣：「我成日都去探佢（外甥女），但每次去都係粒幾兩粒鐘，暫時對佢印象幾好，因為未見識到佢曳、大小二便嗰啲摧毀力，所以我諗我都未ready做人老竇。」