為食林欣彤減肥難忍口

歌手林欣彤昨日出席「饑饉30」閉幕禮，身為大使的她呼籲大家助養小朋友。講到工作，她透露今年將推出三首歌，年尾亦會舉行演唱會，故要積極減肥：「身邊人成日話我肥，同埋我覺得過咗25歲個肚會有鬼祟肉，惟有食少o的同做運動。（但你好為食？）係呀，成日忍唔住偷食。」講到舊愛羅孝勇日前被車撞倒入院，她說有慰問對方：「佢話好咗好多，唔使擔心。」同場的樂隊Supper Moment則謂工作忙碌，過幾日會到澳門參加音樂節，之後參與21安士演唱會，五月中就要到倫敦開騷。他們坦言很開心能衝出亞洲開騷，表示今次場地只容納150人，開兩場都爆滿，笑言今次是小試牛刀：「試一試味，睇吓英國o既Fish and chips係咩味。」