林芊妤自揭霸王硬上啜

性感女神Coffee以居家睡衣及瑜伽服，亮相東網巨星全新節目「海馬牌床褥特約」《閨蜜睡房》第二集，有「傻大姐」形象的她於節目中大談愛情觀，自言是小鳥依人型女友，會投其所好冧爆另一半，睇落Coffee似乎是絕世好女友，然而她卻自爆三個不為人知的秘密，令大家大跌眼鏡！

全身都要潤

Coffee帶來晚晚睡前必搽的潤膚乳液，更自爆是「潤唇膏控」，她說：「我除咗個身有強迫症一定要搽lotion之外，臨瞓前一定要搽到個嘴好似有層豬油咁先瞓！我唔可以冇潤唇膏囉，個嘴一乾就覺得係世界末日！」

Coffee的瑜伽功力相當深厚。	Coffee向Kiwi大爆睡前怪癖。	愛啜耳仔的Coffee，攬公仔都要捉住隻耳。

怪癖勁「變態」

Coffee然後再分享睡前怪癖，分別是「捽頭髮捽到天光」及「啜耳仔入夢鄉」，她說：「我瞓覺一定捽頭髮，捽到天光都仲係咁捽，要用中指同食指捽到聽到聲同feel到質感先瞓得着。」她又透露好鍾意啜住耳仔入睡，自揭「變態」一面：「以前會啜姪仔，依家就啜男朋友同我媽咪。細個嗰時媽咪話唔得，我都夾硬嚟！依家我仲會問媽咪可唔可以啜耳仔，跟住佢話我可唔可以唔好咁變態！」雖然Coffee有以上的爆笑怪癖，但相信仍無損其女神地位，粉絲們可藉着節目更深入了解她！

文：影視組