李嘉欣撒嬌撒出禍遭亨亨詐型

李嘉欣昨日以大使身份出席「2017愛彼女皇盃」賽馬日活動，同場還有太子珠寶鐘錶主席鄧鉅明夫婦等。嘉欣受訪時被問到腰傷情況，她表示已康復得七七八八：「剩番20%就好番晒，我都開始做番運動，一星期做三次物理治療，醫師話我比同期嘅人康復得快，好感恩！ 」談及上次投訴老公許晉亨漠不關心，她即笑說：「佢否認，問我做乜咁講？佢畀人問，佢話同一個故事由我講出嚟係兩個版本，仲話『我救咗你一命又唔提？』因為佢喺好遠衝過嚟，但我係唔滿意佢之後話我冇事，仲叫我繼續前行，不過佢呢種跌低要企番起身嘅精神，用嚟鼓勵小朋友都啱！」

囝囝抗拒有弟妹

因為腰傷關係，復活節她與兒子去了日本郊區休息，卻又遇上食物敏感，記者笑指她今年不宜出門，她說：「暑假或者都係留喺屋企靜養。（老公同個仔自己去？）佢話就算去邊，我都一定要參與！」她稱現時接工作會很謹慎，直言事業心不重，所以有人邀她拍真人騷，她都無動於衷，沒有被金錢打動。對於生小朋友則隨緣，她坦言囝囝很抗拒有弟妹，因為樂做家中的山寨王。

許晉亨昨日現身馬場，被爆反投訴太太。	張筱蘭代老公馬德鐘撐愛駒出賽。	李嘉欣、許晉亨與著名形象指導郭慶彬聚首一堂。

張筱蘭嘆累人輸錢

同場還有藝人馬德鐘太太張筱蘭，她前來支持老公與陳玉蓮等朋友合資的團體馬匹「快樂實在」，她表示老公及兒子都沒空，自己做代表。賽前她與蓮妹一同到沙圈視察，惜愛駒最後只跑梗頸四，她說：「累咗好多人輸錢。（跑第四失望？）都冇太大期望，支持吓，我每次都有做啦啦隊，總有贏有輸，就好似個仔游水咁，都唔係次次贏，輸多，希望下次跑好啲。」

文：名人組