佘詩曼斗零踭踩「小子華」
藝人黃子華、佘詩曼、張松枝、鄧月平、鄧兆尊及林雪等，昨晚出席新片《棟篤特工》煞科宴。子華與阿佘孖住受訪，子華劈頭第一句就說：「本來今次只係需要兩位朋友扮巨星，最終嚟咗10倍（藝人朋友），佢哋幫手係想拯救我唔再做『票房毒藥』！我驚講漏人名，所以一次過多謝晒，佢哋有啲仲唔收利是兼倒請食嘢！（介意被指『票房毒藥』？）唔介意，但希望之後唔好喇，事關老闆好大膽，今次阿佘又好破格！」
阿佘則透露片中有幾個造型，期望帶來驚喜，子華即大讚其結局造型最正：「相信大家冇見過阿佘呢種演繹，其實幾可愛，想幫佢搣甩一向嘅嘢，證明佢有好高嘅塑造性！」談到鄧月平在片中脫掉子華的皮帶，但投訴皮帶扣難搵兼難除，子華笑說：「因為條皮帶，睇得出佢好投入，我都好努力咁掹住！（好尷尬？）過咗呢個階段好耐喇！」阿佘卻接口自爆：「佢畀我任踩……嗰個部位（子華下體），仲要着住斗零踭！」子華笑說：「拍呢啲007嘅片，都知要畀人虐待啦！」
另外，張松枝滿面鬍鬚現身，透露將夥拍周潤發及郭富城演新片《無雙》。問到可有恭賀城城新婚？他笑說：「對稿有恭喜佢。（恭喜佢做爸爸？）我哋好曖昧，唔需要講到咁明。」至於拍攝期間曾暈倒的林雪身體似乎已沒大礙，中氣十足，祝酒時更蹲在地上。
