鐵樹蘭巡唱密謀加碼
樂隊鐵樹蘭昨日出席音樂活動，他們表示剛完成廣東巡迴演出：「我哋去咗中山、珠海、廣州同深圳，觀眾反應比我哋預期好，冇諗過我哋相隔唨咗5年再出嘅歌，上到去佢哋都識唱，連我哋新碟入面冇plug嘅歌都識，有做足功課入場，好驚喜！」
鐵樹蘭透露原先只打算做四場巡演，但現時有意再加碼：「有福建歌迷嚟睇，佢整咗個鐵樹蘭嘅盒同茶葉，用我哋logo去包裝，佢話係同一大班福建樂迷一齊整嘅，佢建議我哋去一站福建，同埋好多其他廣東城市都有我哋樂迷，所以依家會研究吓會唔會加啲站數。」問到何時再推出新歌？他們計劃年尾或者下年陸續推出作品。