利嘉兒遊韓國重拾童真

利嘉兒早前與女性朋友到韓國旅行，行程充滿童真，恍如置身童話世界，在機緣巧合下品嘗Barbie下午茶，她說：「酒店做推廣，好爆，我哋之前唔知，喺住嗰間酒店見到啲Barbie做得好靚，於是同酒店講如果有客人取消訂枱，可否留畀我哋，最後好彩攝到位，我今次同幾個女仔朋友去，全部女仔都癲咗，現場好多復古、特別版Barbie，又有好多故事入面嘅場景，仲有一比一真人Barbie車。」其後她到首爾的晨靜樹木園睇燈飾：「公園分好多區，個個有唔同主題，全部植物都布滿燈泡，有成幾百萬個燈泡，感覺置身愛麗絲夢遊仙境，自己成為童話世界人物。」