歌手胡鴻鈞昨日到中環出席活動，他希望今年推出的歌曲讓大家了解他真實一面，包括陰暗面：「好似妒忌、缺乏自信、自我價值低。（妒忌同公司其他歌手發展？）咁又唔會，大家係朋友，良性競爭。我講嘅妒忌係以前拍拖，女朋友可能同男仔有啲正常社交，我都會敏感、會妒忌。（點樣增加自信？）要改變心態，同自己講如果冇信心，人哋點會對你有信心？」
