賈思樂遭扭耳仔露雲娜：唔好鹹豬手
藝人賈思樂入行40周年，將於6月5日至6日假文化中心舉行《賈思樂 ME & MY GIRLS IN CONCERT 2017》，部分收入將撥歸廖安麗主理慈善基金「身前行動」之用。人緣不錯的賈思樂邀得王馨平、黎瑞恩、羅敏莊、陳松伶、李樂詩及韋綺姍擔任嘉賓，昨日記者會上，好友毛舜筠、露雲娜、廖安麗、陳敏兒、黃杏秀及盧海鵬等相繼現身支持，陣容鼎盛。
盧海鵬想抱「孫」
當年合作《蝦仔爹哋》與賈思樂結緣的盧海鵬上台大放笑彈，當賈思樂叫他講祝福語，鵬哥即說：「恭乜喜吖？你都就嚟兩蚊車費啦！應該做Daddy，整番件我抱孫。」至於獲賈思樂稱為「大婆」的露雲娜說：「今次你請咗6位靚女做表演嘉賓，鹹豬手唔好亂放呀！」語畢即作勢扭賈思樂耳仔。
感激各位畀面
賈思樂表示多謝各位靚女嘉賓拔刀相助：「大家好畀面，當日仲集合一齊同我影海報，羅敏莊件衫最低胸。嗰日影得好順利，佢哋全部聽我講，冇爭位冇是非。王馨平到時會用結他為我彈英文歌，而陳松伶會同我表演跳舞。（辣身舞？）賣個關子先。」另外，廖安麗笑指當年被賈思樂迷倒，不過相處後覺得還是做朋友比較好。
文：影視組