白雪仙親改劇本陳寶珠預咗捱鬧

為紀念粵劇界編劇大師唐滌生冥壽100周年，藝人陳寶珠及梅雪詩（阿嗲）將於7月13日至30日，假文化中心公演17場戲寶《蝶影紅梨記》，昨日二人與藝術總監白雪仙、劉兆銘及劉松仁等齊齊現身記者會。

一身閃爆鑽飾的仙姐全程表現精靈，問到為何選演該劇目？仙姐搞笑說：「冇乜點解，如果我做《九天玄女》你又會問點解，其實因為套戲寫得好，希望可以做好佢。」更指為該劇本改動七次，盡量刪繁就簡，但仍會接受善意批評。

陳寶珠特別觀看電影版為揣摩角色。	劉松仁（右）揸機與白雪仙及劉兆銘自拍留念。	阿嗲（左）與陳寶珠（右）贊成白雪仙嚴厲對待。

仙姐拒親自落場

問到仙姐可有興趣演出？她笑說：「唔好嚇我，你哋想睇我完蛋？我都想，但自己心有餘力不足，大家都知我幾多歲啦！（係咪會指導兩個徒弟？）佢哋一得閒就搵我指導，但我自己都仲學緊，知無不言，言無不進。」及後三師徒為「教導」及「指導」爭論一番，陳寶珠說：「你唔係指導係教導。」仙姐則說：「教導咪即係指導囉！有乜分別？唔理你哋，你哋話乜就乜啦！」

內心戲有難度

阿嗲及陳寶珠則坦言為演出感壓力，已多次演出該戲寶的阿嗲表示，永遠未能達到師傅要求：「好驚，入面有好多發自內心嘅戲，到今日我都未掌握到。」陳寶珠亦表示劇中不乏內心戲，認為非常有難度，為此特別看該戲寶的電影版來揣摩角色。問到會否擔心被師傅責罵？她說：「唔緊要，唔鬧即係唔當你係徒弟，鬧即係袋咗嘢畀你。」阿嗲亦附和，贊成師傅嚴厲對待她們。

文：影視組