伍詠薇大無畏支持港產片

藝人伍詠薇、余香凝及陳婉衡等昨午出席新戲拜神。劇情交代幾位靚女遭綁架，引發連串黑色幽默事件。戲中「收兵」的余香凝笑說：「個角色都係搵錢照顧婆婆啫。我覺得收兵只係有異性朋友好照顧自己，但奈何唔work，咁我都唔醜樣，以往都有呢類異性朋友，但我唔會收貴重禮物，即使男朋友買名牌戒指，我都唔捨得戴。」陳婉衡則指今次扮演伍詠薇老公的情婦，將穿短褲及露腰裝開工。談到夏天將至，她坦言：「之前去旅行食肥咗，已經開始健身嘞。」而伍詠薇早前拍攝同類型電影，落得票房慘淡收場，她大無畏直言：「每次情況唔同，總之劇本吸引就會接，想支持港產片嘛。」