關心妍撇囡囡撐祖兒

樂壇天后容祖兒的《MY SECRET LIVE》演唱會今晚落幕,前晚祖兒在個唱尾聲玩Facebook live,唱到《心甘命抵》時,全場觀眾着晒電話燈,形成一片燈海,非常壯觀!當晚關心妍(Jade)與老公楊長智也有捧場,Jade更透露特意搵家人幫手湊囡囡心心才能溜出來欣賞:「祖兒唱得好好,可能佢好鍾意個騷,特別投入。」

久未演唱的Jade,被問到可有技癢想唱歌?她笑說:「心心8個半月大咋,等佢再大啲先。」又笑言日日在家為女兒開騷:「對住佢唱歌仲多過我返工。」剛與老公去日本福岡旅行過二人世界的她,被問到可有趁機造人?她說:「要睇上帝安排,如果再賜多個當然好,刻意再去試就應該唔會。」