何遠東由被埋沒到備受讚賞，曾合作的「視后」田蕊妮與胡定欣對他讚不絕口。曾於《巨輪》合作演姊弟的田蕊妮受訪時稱有留意他在《心》劇的演出：「殺阿媽場戲佢好投入，雖然多做搞笑角色，但佢好珍惜每個機會，之前大家傾開偈知佢好鍾意呢個角色，覺得好正！其實東東真係好抵錫，我哋幾有緣，當佢係細佬o架喇！演員付出得到回響係好好嘅鼓舞。」而胡定欣亦表示替他高興：「東東喺《鬼同你OT》做我細佬，佢係一個好熱愛戲劇、好用心嘅演員，知道觀眾有留意佢嘅演出，當然好替佢開心！」
