李嘉欣跌傷尾龍骨痛過生仔！
「大美人」李嘉欣（Michele）、藝人陳爽、利嘉兒及宋熙年等，昨日出席腕錶品牌舉辦的賽馬活動。Michele早前原定飛往英國欣賞舞台劇《四十二街》慈善首映，並獲安排與英國劍橋公爵夫人凱特會面，但由於上月在北海道滑雪時不慎弄傷尾龍骨，故未能乘搭長途機，現需每周做三次物理治療，為期兩個月。
被老公激親
Michele說：「我撞到自己雪橇尖嘅部分，跌低之後起唔到身，之後嗰日郁唔到。（留陰影？）都敢嘅，郁唔到嗰日自己一個留喺酒店好孤獨，冇朋友冇家人，第日又偷偷哋想試吓滑吓，不過代價係坐飛機返嚟，遇到氣流會好痛。」她直言是次受傷比生仔還要痛，但指老公許晉亨不理解：「佢一直都話『你呢啲好快好番』，醫生都話要兩個月，佢仲不停話冇事，聽到好嬲！（正能量激勵你？）係好激，好嬲！」談到老公好友吳婉芳近況，Michele知道對方有宗教信仰，充滿正能量。
坐月後首次出席活動的陳爽則表示女兒梁語嫣兩個月大已戒夜奶，非常乖巧：「冇乜點喊，反而哥哥成日呷醋畀attention我。（會唔會再生？）穩定吓先，暫時封肚。」