樂壇校長譚詠麟忙於宣傳國語專輯的同時，亦開始籌備與許冠傑（阿Sam）「世紀合體」，將於八月中假紅館舉行演唱會。昨日校長接受電話訪問時表示：「係呀，阿Sam係我偶像，係我邀請佢，今次係第一次正式同佢開騷。（請Sam有冇難度？）要等佢消化吓，不過啲人知道後反應好好，內部訂飛爆咁滯，嚟緊我仲會同佢出首廣東歌。」阿倫又指李克勤離開唱片公司後再難合作開騷，加上想推動廣東歌才構思到請阿Sam合作，他笑言：「李克勤話我係佢偶像，依家掉轉，我同偶像阿Sam開騷。」