阿Sa自薦做老公養起阿嬌
蔡卓妍（阿Sa）、鍾欣潼（阿嬌）、衛詩雅及J.Arie等，昨晚出席「第41屆香港國際電影節」《原諒他77次》首映禮。阿Sa大讚以Deep V裙性感示人的阿嬌：「我見到阿嬌都吹口哨呀！」而衛詩雅則穿上近期撞到火紅火綠的露膊裙，另類搶鏡！身為女主角的阿Sa表示睇了《原》片的未完成版本：「套戲係一套寫實嘅愛情電影，令人有共鳴，男觀眾睇咗亦會有反思。」
衛詩雅唔介意撞裙
早前阿嬌上內地綜藝節目時，曾揚言找到一位可分享「愛情飯碗」的人，記者追問究竟是誰？阿嬌即指住阿Sa，阿Sa搶答說：「我應該畀到愛情感覺佢嚟，可以做老公，養得起佢！」阿嬌則補答：「就係因為冇咁嘅人，所以咪搵阿Sa。」阿Sa繼續狂sell自己：「我真係幾好，我係男人都會鍾意自己，如果有個男人版阿Sa追我就好喇。」阿嬌忍不住取笑對方：「呢個廣告都好大吓喎！」
至於穿上白色露肩長裙的衛詩雅，與近日楊丞琳、金喜善、前少女時代成員Jessica、小嶋陽菜等撞裙款，她打趣說：「我係香港代表。（事前知其他女星着過仲着唔着？）冇所謂，都會照着，大家有唔同感覺。」
化身保母湊小朋友
此外，阿Sa前晚與組合Shine的徐天佑與黃又南，出席聲演的動畫首映。阿Sa更化身保母首次帶同好友的兩個囡囡睇戲，笑言因小朋友每事問而累透：「睇戲嗰陣都幾攰有少少想瞓，但係小朋友又問問題又要食嘢、又要幫佢執眼鏡，好忙。」
文：影視組