有「阿伯殺手」稱號的90年代女星李莉莉（Lily），今年全面復出，繼續大玩騎呢搞笑，日前帶着爆肌保鏢受訪，期間大擺S甫士並與保鏢鬥晒「事業線」。Lily指以前請保鏢最忌靚仔，現在則要求有殺氣及懂得中式按摩，因她有心臟病經常手腳冰冷，需要男士的「火雲掌」取暖。

李莉莉1989年獲選澳門小姐季軍並來港發展，走騎呢路線成功出位，絕對是90年代艷星代表人物之一。1996年她與澳門商人麥競敏結婚息影，現育有一仔一女，今年在朋友導演游說下決定復出。日前，Lily更帶同爆肌保鏢接受專訪，期間大擺S甫士，又同爆肌保標鬥谷事業線，騎呢搞笑程度絕不遜當年！

原來李莉莉揀保鏢相當有要求，有殺氣之餘還要識中式按摩，她謂：「當年我揀保鏢唔要靚仔，唔想傳緋聞，依家就要有殺氣同識按摩，因為我心臟唔好，成日會手腳冰冷，好需要男人嘅火雲掌暖番，當然我會捲住薄被同埋有女助手在場四手按嘅。」請保鏢除了按摩，當然仲要保護主人的人身安全，Lily自爆早年曾經險被綁架：「當年有綁匪向我助手打探我嘅行蹤，幸好助手話番畀我知，所以由嗰陣開始請保鏢。」

Lily久休復出，傳聞不斷，有指她婚變及財困，她逐一回應，強調與丈夫婚姻沒問題；至於財政狀況，她指因患心臟病而不能再打理兩千畝的果園，才萌生復出念頭。相隔21年復出娛圈，一切從頭開始，Lily笑言早前曾經被問可否「潛規則」，但她根本不明所指，最後連消帶打，把對方嚇走。

文：影視組

攝：劉斌