康華深宮髻傷肩頸 針灸止痛
藝人康華近日忙拍無綫劇《宮心計2深宮計》，因頭飾及戲服太重，加上長時間站立拍攝而疲累不已，康華終於頂不住，日前肩頸肌肉發炎，痛得要工作人員陪同到醫院求診。
在《深宮計》中飾演四司之一的康華，昨日受訪時表示要針灸紓緩痛楚：「因為拍攝要長時間企，頭飾好重，搞到肩頸位負荷唔到，肌肉發炎，但劇組工作人員好好，知我辛苦頂唔住，即刻陪我去睇醫生。」經醫生診斷後，康華是急性肌肉發炎，她說：「喺肩頸位針灸，紓緩咗好多，依家係中西合璧醫治，消炎止痛！」
寧願坐監
《深宮計》為配合朝代服飾，髮髻大而重，再加上頭飾，分分鐘重達數十磅，但因配襯效果漂亮，再加上監製梅小青對製作的認真，不少劇中女演員都投入演出，康華說：「雖然辛苦，但拍出嚟效果好靚，唔介意。」不過，前晚一場監獄戲不用戴重頭飾，康華與同場拍攝的張文慈和謝雪心都大歎舒服不已，康華笑說：「唔使着咁多戲服箍住個身，又冇頭飾，成個人輕晒，所以我哋搞笑話希望終身監禁！」
文：影視組