湯洛雯行街暈倒送院：覺得個人想熄機
藝人湯洛雯、李佳芯、鄭俊弘和黃心穎等昨日在紅磡出席無綫劇集《與諜同謀》宣傳活動，湯洛雯被司儀蔡康年踢爆剛出院，她受訪時承認前日在街頭暈低，要叫白車送院，她說：「係人生首次，好可怕呀，暈嗰吓直情跪咗喺度，不斷同自己講要深呼吸，嗰一下覺得個人想熄機，成個人focus唔到！」
被問到當時在身邊的是否緋聞男友羅天宇？她否認，只表示有朋友在旁，但羅天宇有問候她，當她知道要留院即時通知父母，爸爸到醫院時亦很擔心，而她亦在個人社交網貼了出入院的照片。
湯洛雯透露在醫院照過X光、心電圖和驗血，從未做過身體檢查的她直言要深入做檢查，因見不少同事甲狀腺及內分泌都出現問題。她直言拍劇壓力較大，且沒有做運動又夜瞓。
李佳芯生濕疹
此外，何雁詩宣布因身體不適要辭演新劇《誇世代》，有份參演該劇的李佳芯稱與對方沒有對手戲，也不知道對方發生何事，認為身體不適就要休息，因開劇動輒幾個月至半年。她更透露自己患有濕疹：「都係免疫力有關，依家有時會生埋喺面度，化唔到妝，打燈就會出晒嚟！」與何雁詩分屬好友的鄭俊弘亦不清楚詳情，暫未聯絡對方。
文：影視組