42歲的車婉婉昨日宣布誕下混血BB，囝囝「BBQ」上月28日出世！婉婉指BB身體很長，重8磅9安士，是圈中「巨B一族」，從照片所見，BB外貌似乎較似媽媽。婉婉感謝各界一直以來的支持與關心，並透露選擇了自然分娩：「係一個非常艱巨嘅過程，亦令我非常尊敬各位媽媽。我哋母子平安，依家返咗屋企。好想多謝醫護人員對我們嘅照顧，同埋我嘅朋友、親友一直咁愛錫我。」
成為新手媽媽的婉婉感謝支持者透過不同層面及渠道發訊息關心她，叮囑她應吃甚麼或者怎樣做，笑言需要大家多加支持與提點，期望盡快坐完月與大家見面：「大家可以繼續喺各方面畀好多提點我，多謝大家祝福！」另外，她拍攝短片分享喜悅，片中見「BBQ」玩口水，非常趣致，而婉婉溫柔地抱起他錫錫，並以英語說：「佢對眼好大！」