波友感惋惜 何家勁痛失右翼

曾是明星足球隊活躍成員的高飛,其隊友范振鋒、洪天明、區瑞強及何家勁均對這位波友離世感惋惜!何家勁在微博悼念:「業界失去一位英才,明星足球隊最fit的右翼球員!」洪天明說:「我同高飛踢過波,佢係電影前輩,亦同爹哋(洪金寶)拍過動作戲。」與高飛相識三十年的錢嘉樂,目前身在歐洲拍電影,但收到對方離世消息亦感愕然及惋惜,他以WhatsApp表示:「佢成日同洪家班合作,亦係明星足球隊隊友,但近年各有各忙少見咗!佢嘅離世,對電影界,尤其動作電影係一個損失!(向其家人施援手?)我叫咗武師公會班手足去了解,睇佢家人有冇嘢需要幫忙,一定全力幫手!」

至於范振鋒則難忘高飛的照料:「高飛好關照後輩,佢會叫我哋上車先、夾餸食!佢雖然演惡人,但私下講嘢好斯文,鍾意搞氣氛!近年好多明星足球隊前輩離開,我更加珍惜每次練波!」區瑞強盛讚高飛:「佢係一員猛將,佢嘅衝勁可以感染全隊,整隊明星足球隊都會悼念佢!」