陳錦鴻游走街市買餸氹仔

陳錦鴻早年結婚後，與太太杜雯惠育有一名9歲兒子駕樺，但兒子從小患有自閉症，愛子心切的錦鴻為了讓兒子可以健康成長，多年來負起照顧兒子的責任，近年錦鴻更減少工作，完全消失於幕前，全職做湊仔公。

數定「彈藥」入貨

身為「好爸爸」的錦鴻，日前下午約五時，特地驅車前往大圍的街市，身旁未見太太及兒子同行，他把座駕停泊好後，站在街邊的他隨即拿出銀包細心地數定錢，之後便急急腳步入附近的街市買餸。手持環保袋的錦鴻為了炮製一頓美味大餐冧囝囝，不惜師奶上身，只見他在街市內與其他主婦左逼右逼，先往肉枱揀選肉類，之後又再揀蔬菜，於街市四處穿梭一輪後，最後他才往乾貨店購買調味料。

左揀右揀塞爆袋

期間因為錦鴻現身街市，引來不少途人的目光，但他卻未有理會，在乾貨店前左揀右揀，又與店員傾個不停，看來是熟客仔，「掃貨」大半小時後，只見錦鴻滿載而歸，環保袋亦塞到滿，最後他抽着大袋戰利品往取車，急趕回家為兒子出「煮」意！

陳錦鴻是好爸爸，為照顧兒子減少幕前工作。	當街數錢	貢豬肉檔

文、攝：追蹤組