藝人林盛斌（Bob）與太太Pearl Wong結婚十周年，平日忙到爆的Bob特地推Job帶太太到日本沖繩過二人世界，他昨日在社交網上載旅遊照道：「結婚十年，第一次兩個人去旅行，其實咁都忍到，呢個女人好嘢！」
Bob感激太太持家有道及包容：「之前喺節目承諾咗畀驚喜佢，真漢子講得出要找數，咁啱有朋友喺沖繩結婚，我哋參加婚禮，順道玩幾日。囡囡有問點解唔帶佢哋，我惟有話暑假再同佢哋出埠啦！（想兩個去三個返？）哈哈，多謝！有時唔到你唔信，一話出埠就大把工作飛埋身，推Job梗肉痛，但屋企人重要啲！」