莊思明捉姦專家楊明手機任Check

陳庭欣、莊思明、黃子恆、岑杏賢、王卓淇及何君誠昨日到馬鞍山出席明珠台劇集《夜班經理》宣傳活動，眾人即場互爆私事，君誠指庭欣經常「走數」，話完請食飯卻總有種種藉口，庭欣即呼冤說：「唔係咁呀！係咁啱身上得一百蚊，我想碌卡但人哋唔收卡！大家朋友，之後咪又會畀番佢，佢又唔講埋落去！」

兩人之間冇秘密

至於思明被爆與眾人飯局期間，只要男友楊明一到，她便嗌走，思明笑說：「唔想佢搵位泊車又要等啫！如果佢泊到車又唔趕時間，都會上嚟。（佢管你嚴唔嚴？）唔算嚴，去邊講聲就OK！（你管佢嚴啲？）佢都好乖，唔使點管，自己會講去邊。」她又表示曾為好友搜集另一半偷食的證據，自誇「Check嘢好叻」：「有好多唔同途徑我都識Check，Check得幾徹底，而且我直覺好準！（查通話紀錄？）係嗰次迫於無奈幫朋友先咁做。（會咁Check楊明？）冇喎！反而佢自己畀電話我睇。（驚你多疑？）唔知呢！但我哋係笑住咁做呢件事。（兩個人已經冇秘密？）冇啦！私隱都冇！」

莊思明讚男友楊明很乖，會自報行蹤。

（左起）：王卓淇、岑杏賢、何君誠、黃子恆、莊思明、陳庭欣 眾人拿着道具槍谷劇。

爛面妝似萬聖節

此外，庭欣透露最近拍攝重頭劇《深宮計》，飾演胡定欣胞妹的她大部分時間都要化爛面妝：「化妝幾長時間，由下午拍到第二朝9點，下次會帶埋被同枕頭，至於個妝都幾恐怖，萬聖節可以用番呢個Look！」

文：影視組