做貪靚新娘雨僑拒奉子成婚

歌手雨僑與鄭俊弘前晚為香港毛皮業協會晚宴擔任表演嘉賓，提到該活動特別旺生仔，鍾嘉欣與吳若希擔任完嘉賓後便懷孕，雨僑笑言：「好呀，呢個好啱我，旺財同旺桃花我未必用得着。（男友羅力威求婚未？ ）冇認真考慮過呢個問題，但大家有共識。（會否今年內發生？ ）應該唔得，工作已經排到年尾， 我之前陪堂哥去婚紗展，發現場地同酒席要預早年半前訂。我希望35歲前生小朋友，今年31歲都係差唔多。」雨僑稱不會未婚懷孕，因想拍一輯又靚又瘦的婚紗照。