祖兒閨房擺上台自爆帶假狗

容祖兒假香港演藝學院舉行共16場的《容祖兒．MY SECRET．LIVE》side track演唱會，24日及25日分別為歌迷及客戶優先場，但好姊妹蔡卓妍（阿Sa）及鄭希怡與女兒梁浸浸已率先捧場。昨晚是公開發售的第一場，獲老闆楊受成夫婦、謝霆鋒、泳兒、蘇志威與18歲的大女蘇君蕎、英皇娛樂集團行政總裁許佩斯等撐場，但未見祖兒男友劉浩龍。

出動私伙枕頭

開場片段由阿Sa聲演，呼籲大家不要拍片等，正式開場後，頭髮及衣着全是粉紅色的祖兒唱出《男朋友與歌》，並指這次演出的概念源自7年前的演唱會，當時很多歌迷點唱一些沒派過台的歌，令她很興奮：「估唔到7年後終於成事，最開心係有一啲傻豬一直等緊我，你哋係咪呢啲傻豬呀？」祖兒透露舞台上的睡房擺設是模仿其閨房布置，所有擺設全是私人珍藏：「個大Miffy係我鎮店之寶，嗰啲梳化、咕o臣都好有meaning，個枕頭仔係我去到邊都要帶住o架，有佢就可以瞓得好，你知啦，過咗少女時代，唔夠瞓眼袋好易變大！」她又指以玩具狗代替家中的寵物狗「豆豆」：「因為演藝唔可以帶畜生，所以我要『帶假狗』，佢好真o架！」引得全場大笑！

穿粉紅裙的祖兒靚聲演出。	楊受成夫婦與謝霆鋒到後台為祖兒打氣。	祖兒與許佩斯（右二）、蘇志威及蘇君蕎後台合照留念。

歌迷坐「貴飛椅」

祖兒自爆很喜歡搽潤唇膏，四處都會擺放潤唇膏：「你知啦，我個嘴咁厚咁Sexy，成日要潤住個豐唇！」有男歌迷大叫：「我又搽！」祖兒即向台下大派飛吻。唱完《臨床》及《如果睡袍太少布》後，坐在貴妃椅上的祖兒大玩食字爛gag：「呢張貴妃椅我成日坐o架，如果你哋買1,080飛嘅話，都係坐咗喺『貴飛椅』度！」再邊唱邊跳快歌《金銀島》及《What's up》，令歌迷非常high！

文：音樂組