吳綺莉提卓林前言不對後語
藝人吳綺莉日前涉刑事恐嚇而被警方扣查，大前日獲准保釋的她於昨午時分獨自從大坑寓所駕車外出，素顏兼戴口罩的她看來略憔悴，受訪時表示自己外出午膳，問有否聯絡女兒吳卓林？她支吾以對：「Er……有嘅！」談到她為囡囡平反，撐卓林非同性戀，問對方有否為此感開心？她說：「我唔知呀！佢唔係好識睇中文。（幾時會見個女？）實會見！」
「淋巴腫晒」
吳綺莉經跑馬地到銅鑼灣後，便折返大坑一間超市購物。返家前，問她精神如何？她說：「淋巴腫晒，有啲攰！」再問有沒有聯絡卓林，她即前言不對後語說：「冇呀！」問卓林明天會否返學？她說：「未知呀！（校方介入了解？）其實大家都知發生咩事！」
此外，林建明昨日和萬綺雯出席慈善活動，提到好友吳綺莉，她說：「天氣變化令情緒有影響，大家要體諒吓，家家有本難唸的經。（同卓林多唔多見？）之前佢生日有見面，但呢兩年少咗。（覺得佢反叛期？）我又唔係咁睇，同埋唔係當事人好難評論。（同佢哋傾吓，幫吓佢哋？）解鈴還須繫鈴人，如果佢冇主動，旁人唔好插手會恰當啲。」
