Jeana在台灣遇上交通意外，不少圈中好友對此紛紛表示震驚。曾與Jeana合拍電影《辣警霸王花》的岑麗香，接獲記者電話轉告，大表意外說：「咩事？我啱啱先收工，冇留意。聽到呢啲意外會好驚，最緊要個人冇事，都擔心佢有陰影，等陣間會打電話去問候吓。（試過類似情形？）好彩冇，我平日揸車都好慢。」
同樣曾與Jeana合作拍戲的莊思敏則說：「希望佢冇事，一定要好好休息，盡快康復啦。」王宗堯亦送上慰問：「唔係啩？﹗希望佢冇乜大礙，等陣有時間，都會傳短訊問候吓佢。」
