鄧月平笑前拳王乸型

鄧月平昨日於柴灣影樓為霧眉廣告拍硬照，談到與杜恒霖的緋聞，她承認對方曾表示有意追求：「佢對所有人都好好，我希望冇表錯情。估唔到佢咁惹火，我真係驚咗佢，都係保持距離好啲。」但又補充表示對方日後若有賽事，她不排除會觀賽支持。

爆緋聞幾日冇見

鄧月平表示目前與杜恒霖是朋友關係，指被拍當日只是相約到朋友家中飯敍：「我哋本來好Friend，依家少咗見。（幾耐冇見？）幾日啦！」又重申對方已離婚兩年：「我識咗佢差唔多一年咋，我可以同任何單身男士發展，但一定唔做第三者，亦冇咁嘅需要。」她自言性格像男仔，更打趣地說：「識耐咗，覺得佢有少少乸型。咁如果佢再拍拖，我都祝佢幸福，況且依家令我心動嘅只有事業，我想趁黃金時期喺工作方面衝一衝先。」她又指自己無論抗壓及EQ都有待改進：「好驚畀人寫，但知做得藝人無論（報道）好定唔好都要接受。」

放大圖片	原本「封胸」受訪的鄧月平，講講吓服飾移位，放咪咪出來抖氣。

畀阿媽捉去相睇

另外，鄧月平自爆母親緊張其終身大事：「我18歲生日，媽咪已經想捉我去相睇，佢好想介紹佢啲朋友、或者朋友啲仔畀我識，其實媽咪識佢（杜恒霖）仲耐過我。」談到工作，她表示今個月已接拍了兩個廣告，更有機會與羅家英合作放笑彈。

文：影視組