心穎願做馬明煮飯婆
緋聞男女馬國明與黃心穎昨日出席活動，起初大耍花槍玩憑歌寄意，後來又互顯細心，馬明獲心穎親手餵食甜品，及後盡顯風度為女方戴頭箍，揚言肯為未來老公學廚的心穎，撒嬌指若馬明並非那個「他」便無緣試其手勢。
馬國明與黃心穎的戀情疑幻似真，但雙方仍未正式承認關係，昨日繼續以「情侶檔」出席活動，起初二人有點尷尬，未有任何親密舉動，但熱身過後即大耍花槍，心穎先以表白歌《勇氣》憑歌寄意，豈料馬明以《友情歲月》回應對方。幸好耍花槍過後即變得甜蜜蜜，心穎即席炮製窩夫，馬明細心為她戴上圍裙，心穎當然親手餵食，見馬明身上黐滿公仔毛，更即用膠紙為對方黏走。馬明亦盡顯紳士風度，為心穎戴上可愛頭箍齊齊賣萌。
本來有合唱
對於沒有合體獻唱，馬明透露原先有合唱歌，惟心穎表示未聽過，兜口兜面拒絕，令他尷尬非常。問心穎是否憑歌寄意？她說：「冇呀！好多嘢都需要勇氣，我揀自己鍾意嘅歌啫！」談到歌詞有表白意思，馬明則說：「我國語差啲。（你唱《友情歲月》回應？）證明真係冇夾過囉！」在旁的心穎即為馬明辯護：「佢少時間練歌，我幫佢解圍，因為我都有啲尷尬。」
男神落力追
而廚藝不精的心穎，於台上表示會為未來老公學廚，問二人平日有否在家煮飯仔？心穎即撒嬌表示沒有，但馬明卻開口希望他日能吃到伊人親手炮製的大餐，心穎即冧爆說：「可以學吓，睇吓點，但如果唔係你就試唔到我手勢。」在場傳媒即叫馬明加把勁，他也大表認同。
文：影視組