蘇永康囝囝腳頭好贊助一籮籮
剛榮升爸爸的蘇永康昨晚談到囝囝「蘇爵士」（Jazz）：「佢好乖，只係食同瞓，梗係似媽咪啦，似我就災難。」蘇康又爆囝囝腳頭好，獲傢俬店、臍帶血贊助：「依家慳唔少錢。」又自言常唱歌給囝囝聽，更會講無聊嘢：「同佢講：仔！跌倒唔緊要，爸爸會扶你起身，雖然佢冇乜表情，但眼仔睩睩。」現時有兩位陪月照顧太太，問到會否搞百日宴？他說：「老婆話要飛喎，咁啱撞咗，我叫佢自己揀囉，個仔百日宴得一日。」
何超儀則透露老公陳子聰身體幾好，問到她與鬧不和的徐濠縈有沒有聯絡？超儀說：「無聯絡喎！（之前傳不和後無聯絡？）係呀！」似乎她對阿徐仍未釋懷。事件因為阿徐上載陳子聰照片外洩導致姐妹不和，亦令超儀好友蘇永康鬧爆公關鄭紹康，昨晚鄭紹康在事件後首度與蘇永康、超儀同場。
同場的胡杏兒否認一班好姊妹為胡定欣出頭而鬧爆陳展鵬暗溝港姐單文柔：「佢哋冇開始過，只係大家太投入個劇。」