欣宜扮《人鬼情未了》恨與男友搓陶瓷
藝人鄭欣宜昨日身穿露肩衫出席復活節活動，設計復活蛋時她笑言自己冇藝術天分，勞作堂成績差，小時候曾受電影《人鬼情未了》影響學陶瓷，問到當時可有與男友如電影情節般一起搓陶瓷？她笑言：「嗰陣未拍拖，可能第時有機會咪影輯相，着番套牛仔工人褲。」
提到憑電影《29+1》入圍法國尼斯國際影展的「最佳女配角」，欣宜開心表示：「呢件事好癲呀，真係受寵若驚，知道嗰陣喊到傻咗！我對演戲冇乜信心，已經當自己贏了。」笑言屆時去到睇明星，問到對獎項可有信心？她謂：「冇諗，唯一希望香港上映時，大家都會嚟支持。」