苟芸慧認追陸漢洋 話唔定閃婚
天王郭富城盛傳下月結婚，曾傳緋聞的苟芸慧前晚出席活動時亦不甘示弱，承認與賽車手陸漢洋了解中，更視對方為結婚對象！苟姑娘前晚為《全新第二代MINI Countryman暨全新形象MINI Centre登場派對》擔任揭幕嘉賓，穿上露肩裝的她容光煥發，被笑指有愛情滋潤！問到是否情傾陸漢洋？她坦白說：「佢畀我感覺好認真！呢刻個關係幾好，生活上佢追我，賽道上我追佢。（對方視你為結婚對象？）就係佢咁做，覺得佢好認真，可以了解。」
暗寸「舊愛」揸車拖女
至於會否計劃結婚？苟姑娘坦言會：「有一日關係確定會同大家講，依家了解中、約會中，大家覺得唔好咁急。（視對方為結婚對象？）佢認真對呢件事，我都會認真。（閃婚？）呢一刻唔知。」又透露身邊不少朋友如鍾嘉欣都見過陸漢洋。活動上，苟姑娘與品牌高層坐新車車尾，問到會否在車內談心？她似暗寸舊愛城城在車上捉實女友方媛：「印象冇，我通常上車就揸車。（車上食嘢去山頂？）自己唔傾向喺車入面食嘢、做任何嘢或者郁，享受駕駛。」
同場的樂隊Supper Moment（SM）主音Sunny自爆沒有車牌：「報咗四月考車。（叫品牌送車？）問吓先。」剛結婚的結他手阿雞（梁耀鵬）則有意換車，現先享受二人世界才再生BB。
文：名人組