另一位單親媽媽楊思琦表示別人的家事不作評論，望大家給予更多空間讓她們去解決事件。
同樣是獨自撫養女兒的前藝人上山詩鈉，問到女兒可有反叛過導致母女關係惡劣？她說：「我哋好少嘈，可能佢比較聽話，佢細個時我管得佢好嚴，叫佢一定唔可以講大話，大家應承對方嘅嘢要做到，要畀到信任對方，佢先會同你傾心事。不過到依家啲青少年比較反叛，要同佢哋傾多啲偈，我同女無所不談，會同佢分析邊啲應該做、邊啲唔應該，阿女最好嘅朋友我全部識晒，好了解佢身邊嘅人。（有冇試過佢想做而你又唔畀？）好多時佢想做嘅事我都會畀，我畀好多自由佢去街，但會講明要幾點返屋企，要佢開電話，我可以隨時聯絡到佢。」