電話跌爛趕買新機
吳綺莉前日被警方扣查一個通宵，經保釋後返回大坑寓所休息至昨日早上外出。昨午約十二時半，她駕駛黑色七人座駕返回居所，素顏的她雖然一臉倦容，卻仍能保持笑容，不但在車上做手勢向在場記者致歉，落車時亦不時鞠躬講「唔該晒」、「唔好意思」。在家中逗留約個半小時後，她駕車到銅鑼灣。落車後，她露Bra帶兼透Bra到一間小型手機店舖，再到一間大型手機品牌連鎖店購置新手機，有指她的手機在往警署途中摔爛。
提到外界多指囡囡唔啱，明顯化妝後才外出的她在停車場電梯口受訪時即維護囡囡：「一隻酒杯敲唔響嘅！」又希望大家能給予空間讓她處理事件：「你睇到我都震晒，哈哈！」問到會否怕囡囡受鎮靜劑影響？她說：「唉！我依家就要食鎮靜劑嘞！」至下午約三時半，買完新機的她獨自駕車返回大坑，再次受訪後便急急回家。
