鄭少秋無靚女不歡欠落周身債
風趣幽默、風流倜儻的鄭少秋向來甚受女性歡迎，前晚他為節目錄影時公然畀女圍，她們是當年「三大花旦」汪明荃、趙雅芝及黃淑儀，艷福不淺，秋官笑言：「冇靚女我唔制o架！」他更指因此節目欠下一身人情債。
藝人鄭少秋正為他的演唱會作宣傳，前晚他與一眾圈中舊拍檔齊齊為無綫節目《群星唱談鄭少秋》錄影，計有汪明荃、陶大宇、趙雅芝、黃淑儀、張天愛、米雪等，更與70年代「三大花旦」汪明荃、趙雅芝、黃淑儀影相，令當年《倚天屠龍記》經典組合重現，秋官興奮大叫：「好多靚女呀！呢張合照唔知幾時再有機會影，期待下個五十年，正呀！」又說今次嘉賓撐場，令他欠下一身人情債，笑言：「冇靚女我唔嚟o架，唔制o架！」
汪明荃非「第一夫人」
節目錄影時，汪明荃謙稱黃淑儀才是秋官在無綫的「第一夫人」，笑言因為自己後生，當時未出現。即將開演唱會的汪阿姐，透露目前正準備流程，老公羅家英當然會參與，她說：「佢要做嘅都好緊要。」黃淑儀則說從未見過一個男人像秋官那麼貪靚，秋官即插嘴說：「最慘係我扮得靚！」秋官亦與趙雅芝合唱，大讚對方雙眼迷人，說：「當年對住佢，少啲定力都會忘記對白。」
陶大宇恨做嘉賓
而廿五年前與秋官合演《大時代》的大宇，指對方有很多綽號，但還是「老竇」最親切兼有分量，問大宇怕否被秋官「掟落台」？大宇笑言驚驚：「不過好開心套劇大家記憶猶新，希望佢演唱會演出成功，我就覺得佢係啱啱開始，希望佢可以拍多啲好劇集，我代佢太太講啦，仲要出嚟做呀！希望佢Keep住好狀態！（有冇畀秋官邀做演唱會嘉賓？）我梗係希望啦，知佢有安排嘅嘞！」而秋官則指女兒鄭欣宜有工作，未能擔任演唱會嘉賓。
文：影視組