關寶慧激瘦十幾磅索爆！
減肥成功的關寶慧前晚Fit爆現身戲劇大師鍾景輝（King Sir）的壽宴，不少賓客讚她索，笑言差點認不出她！原來近月她努力做運動，輕了十多磅，她說：「唔係淨係想瘦，之前病過，要健康啲。」剛踏入51歲的她大可加入「美魔女」行列，她自言多得家族遺傳，面上零皺紋，最厲害是瘦身不瘦胸，她公開健胸秘笈：「我習慣瞓覺都戴胸圍，仲會戴埋腰封添！」宴會上巧遇被指與她「撞樣」的劉雅麗，問積極收身是否不想再「撞樣」？她笑說：「真係好多人話冇咁似，我同佢係時候分手，各行各路！ 哈哈！」
同場還有King Sir一班學生，當中導演杜琪峯在台上表示，17歲已跟隨對方學習，是King Sir令他愛上戲劇，他許諾：「我應該做演員，唔係做導演，為咗報答King Sir，喺我有生之年一定要做一次男主角！」黃秋生則以單口相聲用不同演繹方法讚賞King Sir，但自嘲發台瘟。而晚宴另一亮點落在陳國邦女兒陳禛身上，不少賓客爭相與她合照，冧盡全場！
