富豪酒店太子女羅寶文（Poman）昨日出席寶庫中國與富豪酒店「香港機場．寶庫1號」開幕活動。提到她收藏的藝術品時，她說：「唔多，我眼光仲需要培養，係一個好興趣、好投資。（會投資咩嘢？）唔多，買股票都係買一、兩隻，冇時間去睇。」她稱復活節因太忙，故未有計劃出埠旅行。至於感情事，她直言：「隨緣啦！（爸爸係咪仲催緊？）要催以前都催啦。（條件？）要人品好，有共同價值，意見一致。（身高？）梗係要高過我。」
