衛詩雅遊曼谷愈着愈少
英皇藝人衛詩雅與母親到泰國拍攝奇妙電視旅遊真人騷節目《帶阿媽去旅行2017》，她直言想透過旅程與母親的關係更進一步。問到會否擔心兩人出現矛盾？詩雅直言未驚過，更非常期待地說：「今次係第一次同媽媽兩個人去旅行，之前多數有家人同行，拍真人騷更加係第一次。我哋關係好Close，似朋友，佢思想前衞，加埋我哋一齊住，好多嘢都會搵佢商量，好似男朋友咁！」
詩雅今次將到曼谷及華欣盡情吃喝之餘，更會享受陽光與海灘。問到會否以泳裝示人大派冰淇淋？她笑說：「一定會着，不過着喺裏面！」她笑言曼谷天氣比香港熱得多，估計會愈着愈少出鏡！她又表示此行會做Spa、參觀駱駝共和國、行夜市及行葡萄酒莊，但較擔心母親體力是否能行足全程：「最近見佢身體狀態不及以前，好心痛，擔心太刺激嘅景點佢會應付唔到。」
