吳綺莉涉刑恐保釋眼紅紅
44歲藝人吳綺莉前晚涉嫌刑事恐嚇被捕，據知她的17歲女兒吳卓林當日下午報案，聲稱被人以言語恐嚇及強迫服藥，案件由灣仔警區重案組跟進。吳綺莉前晚在警員陪同下回大坑寓所搜證後，乘車往灣仔警察總部扣留調查。消息指有人擬叫不適的卓林食藥但遭反抗，兩人發生言語爭拗。
有人發晦氣：不如死咗去！
期間有人發晦氣說：「唔食藥不如死咗去啦！」有人感到受驚，遂向警方求助。由於事件涉及藝人比較敏感，故警方將案件交由重案組跟進。
經過通宵扣查後，吳綺莉昨午保釋後返回大坑寓所，戴口罩遮掩倦容。問到與卓林的情況，她只表示「冇事」與「多謝關心」。而卓林因昨日是學校假期，未見回校，社交網亦未有更新。晚上8時許，吳綺莉步出寓所取外賣，隔着鐵閘亦明顯見到她眼腫腫兼雙眼通紅。被問到精神如何、是否很攰時，她只揮揮手便轉身離開，並說：「冇嘢講呀！你哋走啦，唔該晒！（有冇同卓林聯絡？）未呀！」隨即入屋。
身為卓林好友的藝人龐景峰昨日接受電話訪問時表示不清楚事件，相信是母女間誤會，問是否覺得卓林正值反叛期？他說：「佢一啲都唔反叛，係乖女，又好緊張讀書！我知佢好想去美國讀書，成日同我講諗住讀邊間大學，佢係忙緊考試有壓力。（卓林同媽咪關係唔好？）母女嗌交實有，佢真係好乖，仲叫我教佢武功。」
攝：追蹤組