蕭正楠典典吓送院輪椅度生日

無綫小生蕭正楠前日40歲生日，但為拍攝無綫新劇《深宮計》而在片場中度過，拍攝期間更不幸發生意外！當時他拍攝一場吊威哋的戲份，落地一刻因失去重心令左腳膝頭外拗一下兼「啪」一聲，隨即面露痛苦，抱着左腳在地下「典」來「典」去！工作人員為安全計立即找來輪椅將他送入急症室治療，幸好證實沒有骨折，但為免影響拍攝進度，蕭正楠休息一會後便出院繼續拍攝。

返回片場後，監製梅小青、拍檔馬浚偉與馬國明立即前來慰問傷勢，由於是蕭正楠的生日，大家一早已準備蛋糕為他慶生當「沖喜」！蕭正楠隨後接受娛樂新聞台訪問時講傷勢：「啪一聲後我喺地下攬住隻腳四、五分鐘，最擔心係十字韌帶斷咗而要做手術，因為仲有好多場未拍！我本身又鍾意踢波同跑步，依家仲算叫做行到，不幸中嘅大幸，遲啲再覆診照磁力共振再睇吓傷勢。」又透露事發後第一時間通知女友黃翠如：「佢好擔心我，堅持要我留院。」

蕭正楠獲武師包紮傷腳。	蕭正楠繼續親身上陣拍動作場面。	翠如得知男友蕭正楠受傷後勁擔心，事後上載他坐輪椅的短片報平安。

整傷十字韌帶

其後，記者再聯絡蕭正楠，他表示醫生指沒有骨折：「開咗十幾日工，尋晚一個失神就拗親，估計係十字韌帶整傷，人就冇乜嘢，係隻腳痛啫！」女友翠如亦在社交網上載男友坐輪椅的短片，還留言：「受傷到醫院還會唱歌的怪人……」她受訪時透露公司現時讓蕭正楠先休息一下。好友曹永廉則搞鬼留言：「生日快樂，但祝唔祝你年年有今日好呢？」

文：專案組、影視組