拍拖不一定要用金錢堆砌浪漫，即使光顧平民化食店亦可以令伊人心花怒放，不少男藝人都用平價方法冧女，一樣咁掂！
藝人洪永城與唐詩詠拍拖兩年多，日前兩人在灣仔出席活動後，唐詩詠先回寓所，洪永城則化身外賣仔為女友買魚蛋粉，更送埋上門，食得平淡卻甜到入心！
藝人羅天宇與湯洛雯合作無綫劇《愛．回家》傳緋聞，雖然多次被撞破拍拖，但依然不承認戀情。2015年，兩人「拍住拖」食雪糕，你一啖我一啖，並冧爆互望甜笑，無視路人目光！
出爐華姐冠軍余思霆當選後，被本報獨家拍得與組合天堂鳥成員Tyrese（歐鎮源）拍拖。余思霆來港出席活動期間，Tyrese雖然駕駛平治房車接女友，但慳錢至上的他先到商場泊車，然後偕女友轉乘港鐵到中環食大牌檔，取車前又在商場內買化妝品換取泊車優惠，慳得就慳，戀愛大過天的余思霆完全沒有介懷！